الدراسة هي الباب الأسرع والأوسع للهجرة إلى كندا . مهما كان عمرك أو حجم أسرتك. هذه نصيحتي.
بإذن الله : ممكن أساعدك لو أنت بتساعد نفسك.
اياك والوقوع في مصائد طلبات الهجرة وامتحانات آيلتس IELTS ومكاتب الهجرة الاستشارية. الحاجات دي بتاكل العمر والفلوس واحتمالات نجاحها ضعيف.
======
أخبار حلوة :
بإذن الله : لو عندك أولاد. مصاريف المدارس للمغتربين ١٤ ألف دولار في السنة. لكن دخولك أونتاريو كندا بتأشيرة دراسة يمنحهم حق دخول المدارس ببلااااااش . هل تسمعني؟
بإذن الله : أولادك لو استمر التزامهم ومجهودهم "الطحن" اللي بيعملوه في مصر في مدارس كندا: هيتفوقوا وهيشيلوهم من على الأرض شيل !
بإذن الله : لو ابنك في الثانوي عدى ٩٠٪ في مادة الفيزياء أو الدالة الرياضة advanced function التفاضل Calculus ، الجامعات هتخبط على الباب علشان تخطفه وتديله منحة دراسة جامعية ببلاش! خللي بالك : امتحانات الثانوية هنا عبارة عن مجموعة امتحانات صغيرة شبه إسبوعية على مدار السنة ، بتتعمل في فصله ، ومدرس كل فصل بيحط الامتحان على مزاجه وهو اللي بيصحح. قادر تصدق!
بإذن الله : تكاليف الدراسة في كلية College - متوسط سنتين - حوالي ٣ ألاف دولار كندي كل سيمستر - شهرين أو ثلاثة تقريبًا. يااانهاررسوح : هجيب الفلوس دي منين؟
بإذن الله : لو حضرتك ملتزم في دراستك ودرجاتك حلوة ، في حاجة اسمها Student rewards للطلبة ذوي الإمكانيات المادية المحدودة. هيرجعولك لغاية نص المصاريف 1500 دولار في حسابك. مبسوط ؟
بإذن الله : لو معاك تأشيرة دراسة فقط ، ممكن تشتغل جوا الجامعة : ١٥ دولار في الساعة كحد أدنى. وفي ناس بتشتغل شغل (أسود) من تحت الترابيزة ١٠ دولار. يعني ممكن تغطي مصاريف السكن والنت والتليفون والمواصلات : ١٥٠٠ حد أدنى.
بإذن الله : كل الجامعات فيها FoodBank للطلبة. هتاخد أكل يكفيك وعيالك ، وأيضًا موجود في المساجد. اللحمة الحلال بحوالي ١٠ دولار الكيلو. كيلو الوراك الحلال ٤ دولار من محلات كوسكو. الكلام ده لزوم ربط الحزام للناس محدودة الدخل.
بإذن الله : أغلب برامج الدراسة بالكليات فيها جزء عملي Co-Op ، يعني بعد ٦ شهور ممكن تحول تأشيرة دراستك إلى تأشيرة دراسة وعمل. يعني تشتغل عادي وتدفع ضرايب.
بإذن الله : لو حضرتك أبيض خاااااالص في اللغة الإنجليزية. ما بتعرفش حاجة في الإنجليش ، مش مهم!
الكلية هنا بتعملك برنامج تأهيلي قي يمتد حتى ٧٢ أسبوع. مبسوط!
بإذن الله : أول ما تشتغل وتدفع ضرايب في كندا ، ملف الهجرة بتاعك هيطلع على الوش ، ويخلص علطول. مبروك.
بإذن الله : لو مراتك حامل ابعتها تولد هنا أفضل. المصاريف حوالي ٧ ألاف. لو الفلوس معضعضة معاك. ممكن أساعدها ونعمل التماس وتولد ببلاش! لكن ياريت ما يكونش دماغها لاسع مع موضة الستات في مصر : وتطلب المصيبة حقنة الظهر Epidural . صدقني نصب ومالهوش أي لازمة ، سيب الطلق طبيعي.
======
أُشهد الله على ما أقول :
كندا بلد علماني فيها حرية الشذوذ والإلحاد والكفر. وفيها أيضًا المساجد وجاليات مسلمة. لو أنت أو أولادك من غير المصلين ، هتضيعوا. ولادك هيعملوا شعرهم ديل حصان وتاتو وممكن يلحد. بنتك هتقلع الحجاب ومش هتقدر عليها. فما بالك بأحفادك!ولادك وأحفادك ممكن يشاوروا عليك يوم القيامة ويقولوا : هو ده المجرم اللي ضيعنا.
خللي هجرتك لله. خد سكن جنب مسجد في تورونتو. غالب جامعات كندا فيها ركن للصلاة للمسلمين. لو ماكنتش ملتزم قوي في مصر ، لازم تلتزم في كندا. التزم وأمر أهلك بالصلاة واصطبر عليها.
أنا ممكن أساعدك .. ولكن :
أنا برررررئ من أي واحد يمشي ورا كلامي بغباء ويضيع دينه ويضيع عياله.
والله عز وجل أعلى وأعلم.
طارق حسين