ملحوظة
رابط تقديم الطلب للعمل في المزارع الكندية فى اخر الموضوع
فى البداية عشان تقدم لكندا لازم تعرف مهنتك مطلوبة هناك ام لا لان فى بعض المهن غير مطلوبة و بيكون قدامك طريق تانى انك تغير مهنتك لو انت عندك اصرار على الهجرة و طبعا اسهل حاجة ممكن تغير لها هو مجال ال it لو مهنتك غير مطلوبة
طب نعرف ازاى ؟؟؟ هندخل اللينك دة و هنلاقى تحت فى كلمة Filter items
جمبها مربع فاضى نكتب فية المهنة طبعا بالانجليزى و طبعا بتكتب اول كام حرف و بيطلعلك كل التخصصات تحت المهنة دى زى مثلا لو كتبنا eng هيطلعلك كل تخصصات الهندسة و تختار انت مهنتك منهم
طب فرضنا مهنتك مطلوبة , كدة الحمد لله , نبدا فى التجهيز للهجرة
كندا بتطلب شوية حاجات اهمها و اصعبها هو اختبار اللغة ايلتس و دة لو فى مصر ممكن تمنتحنة فى مكانين المعهد البريطانى او idp و بيكلفك 2150 جنيها مصريا و ممكن تدخل النت و تكتب ايلتس عشان تقراء كويس عن الامتحان
لازم عشان تقدر تقدم تجيب على الاقل 6 فى كل فرع من فروع الامتحان و طبعا لو الزوجة عندها فكرة عن الانجليزى لازم تدخل كمان و تجيب على الاقل 4.5 و دة هيفرق معاك جامد جدا
كمان بتطلب شهادة خبرة من شغلك بسنة على الاقل و حد اقصى عشان تاخد الدرجة كاملة 6 سنوات
نصيحة من اخوك بقى لو انت تقدر تجرب نفسك فى البيت فى امتحان الايلتس و جبت ال 6 و الزوجة جابت 4.5 و عندك سنة خبرة على الاقل يبقى تدخل اللينك الممتاز دة و تحسب درجاتك
https://www.facebook.com/groups/immigrants3/permalink/238532973332750/
لو عدت 67 من 100 يبقى انت كدة مؤهل للهجرة ابدا فى صرف الفلوس
طب لو مجبتش 67 يبقى لازم تحاول ترفعها باى حاجة و مفيش قدامك وقتها غير الايلتس هو اللى بيزود الدرجات بطريقة غير طبيعية
-------------------------------------
الخطوة التالية خطوة هامة جدا و هى خطوة تقييم الؤهل من جهة التقييم الكندية و الحقيقة كندا الله يسامحها عملت اكتر من جهة تقييم
1 _____ ويس و دى لكل المهن عدا طب و صيدلية
2 __ بيبك و دى للصيادلة بس
3 __ و جهة تقييم للاطباء
و فى جهات تانية لكن غير مشهورة
خلينا نتكلم عن ويس و هيا اشهرهم و معظم الجروب هيشتغل معاها
تكلفتها 322 دولار كندى للفرد الواحد ( يعنى انت هتقييم شهادتك و شهادة الزوجة كل واحد ب 322 لوحدة )
بتروح الكلية تطلب شهادة و بيان درجات و تحطهم فى ظرف و تقفل الظرف و تختم على قفل الظرف و العميد يمضى على قفل الظرف بردو و فى كل دول العالم المفروض ان الكلية هيا اللى بتبعت بس مصر مستثناة من القرار دة و سامحيين للناس تبعت بنفسها
طب لو انت للاسف صيدلى زى اخوك كدة و هتقييم فى بيبك
يبقى محتاجين جواب من النقابة العامة فى ظرف
جواب من الكلية به بيان الدرجات فى ظرف اخر
جواب به صورة الباسبور و شهادة الكلية و الفورم المطبوع من موقع بيبك و فورم اخر موجود ايضا على الجروب هنا
بس خد بالك او جوابيين مفروض ان النقابة و الكلية هما اللى بيبعتوهم فانصحك تروح تبعتهم من اقرب مكان للنقابة و الكلية
اخر جواب انت بتبعته بمعرفتك و بعنوانك
طب جالك الرد من جهة التقييم و اعترفوا بشهادتك
----------------------------------
جالك الرد من جهة التقيم و فى ايدك التانية شهادة الايلتس و فى ايدك التالتة شهادة ايلتس الزوجة ( واحد يقولى ايلتس الزوجة اجبارى ارد و اقول له لا مش اجبارى لو مش محتاجة ) واحد تانى يسالنى تقييم شهادة الزوجة اجبارى ( لا مش اجبارى لو مش محتاجة ) بس درجاتك هتقل كتير
ندخل دلوقتى اللينك دة و نشوف الاسكور بتاعنا كام فى موقع الهجرة الكندى
https://www.facebook.com/groups/immigrants3/permalink/250915298761184/
معظم اللى بيحسب درجاته بيتلخبط فى خبرة الزوجة و بيكتب انها اشتغلت اكتر من 6 سنين بس السؤال بيكون عن خبرتها داخل كندا فقط يعنى حتى لو اشتغلت فى امريكا بردو مفيش درجة
و طبعا انا كل كلامى لو انت اللى هتقدم باسمك لكن لو هتقدم باسم الزوجة هتعكس كل حاجة
يعنى هيا اللى تجيب 6 ايلتس و خبرة سنة و انت 4.5 ايلتس و مش لازم خبرتك
------------------------------
من اهم الحاجات اللى بتشغل بالنا جميعا الهجرة هتكلفنا كام ؟؟؟؟؟
نظرا طبعا لانحدار قيمة الجنية فالموضوع بقى مكلف جدا عشان كدة انصحك تحسب درجاتك كويس جدا و خصوصا لو سنك وصل 33 فما فوق
اينعم كندا درجاتك فيها كويسة لو سنك تحت 35 لكن على ما تخلص التقييم و الايلتس ممكن تكون وصلت 35
المصاريف هنا قبل ما تطلع هتكون حوالى 30 الف مصرى دة غير طبعا مبلغ الضمان المالى المطلوب منك وضعة فى البنك لمدة 6 شهور و بيختلف على حسب عدد افراد الاسرة يعنى مثلا لو اسرة خمس افراد بيكون مطلوب منهم 26 الف دولار كدنى او ما يعادلهم باى عملة اخرى
----------------------------
تقريبا يتم اجراء سحب كل اسبوعين و اخذ اعلى الدرجات و ممكن تتابع نتيجة السحب و تشوف السحوبات السابقة من هنا
ارجو انى اكون قدرت اوصل المعلومة بايجاز فى اول بوست معاكم و اوعدكم بانى احاول ديما اكون عند حسن ظنكم
رابط تقديم الطلب للعمل في المزارع الكندية:
من هنــــــــا
رابط تقديم الطلب للعمل في المزارع الكندية:
من هنــــــــا
